THE MOST NECESSARY PRAYERS

PATER NOSTER

Pater noster, qui es in cælis, 
sanctificétur nomen tuum; 
advéniat regnum tuum; 
fiat volúntas tua, sicut in cælo et in terra. 
Panem nostrum quotidiánum da nobis hódie, 
et dimítte nobis débita nostra, 
sicut et nos dimíttimus debitóribus nostris; 
et ne nos indúcas in tentatiónem, 
sed líbera nos a malo. 
Amen

Ave María

Ave María, grátia plena, 
Dóminus tecum. 
Benedícta tu in muliéribus, 
et benedíctus fructus ventris tui, Jesus. 
Sancta María, Mater Dei, 
ora pro nobis peccatóribus, 
nunc et in hora mortis nostræ. 
Amen

Salve Regína

Salve, Regína, mater misericórdiæ, 
vita, dulcédo et spes nostra, salve. 
Ad te clamámus, exsúles fílii Evæ. 
Ad te suspirámus, 
geméntes et flentes 
in hac lacrimárum valle. 
Eja ergo, advocáta nostra, 
illos tuos misericórdes óculos ad nos convérte, 
et Jesum, benedíctum fructum ventris tui, 
nobis post hoc exsílium osténde. 
O clemens, o pia, o dulcis Virgo María. 
V. Ora pro nobis, sancta Dei Génetrix. 
R. Ut digni efficiámur promissiónibus Christi. 
Amen

Symbólum Apostolórum

Credo in Deum, 
Patrem omnipoténtem, 
Creatórem cæli et terræ, 
Et in Jesum Christum, 
Fílium ejus únicum, Dóminum nostrum, 
qui concéptus est de Spíritu Sancto, 
natus ex María Vírgine, 
passus sub Póntio Piláto, 
crucifíxus, mórtuus, et sepúltus; 
descéndit ad ínferos; 
tértia die resurréxit a mórtuis; 
ascéndit ad cælos, 
sedet ad déxteram Dei Patris omnipoténtis, 
inde ventúrus est judicáre vivos et mórtuos. 
Credo in Spíritum Sanctum, 
sanctam Ecclésiam cathólicam, 
Sanctórum communiónem, 
remissiónem peccatórum, 
carnis resurrectiónem, 
vitam ætérnam. 
Amen

Glória Patri

Glória Patri et Fílio 
et Spirítui Sancto. 
Sicut erat in princípio, 
et nunc et semper, 
et in sǽcula sæculórum. 
Amen

Confíteor

Confíteor Deo Omnipoténti, 
beátæ Maríæ semper Vírgini, 
beáto Michǽli Archángelo, 
beáto Joanni Baptístæ, 
sanctis Apóstolis Petro et Paulo, 
ómnibus Sanctis, et vobis, fratres, 
quia peccávi nimis 
cogitatióne, verbo, et ópere, 
mea culpa, mea culpa, 
mea máxima culpa. 
Ídeo precor 
beátam Maríam semper Vírginem, 
beátum Michǽlem Archángelum, 
beátum Joánnem Baptístam, 
sanctos Apóstolos Petrum et Paulum, 
omnes Sanctos, et vos, fratres, 
oráre pro me 
ad Dóminum Deum nostrum.

Amen

Sancte Míchael Archángele

Sancte Míchaël Archángele, 
defénde nos in proélio; 
contra nequítiam et insídias 
diáboli esto præsídium. 
Ímperet illi Deus, 
súpplices deprecámur, 
tuque, Princeps milítiæ cæléstis, 
Sátanam aliósque spíritus malígnos, 
qui ad perditiónem animárum 
pervagántur in mundo, 
divína virtúte, in inférnum detrúde. 
Amen